Հայրենիքը չեն սիրում լոկ խոսքերով։ Իրական հայրենասիրությունը կոնկրետ քայլեր են` ի նպաստ հայրենիքի զարգացման և պաշտպանության։ Դա է «Սատար» հաշմանդամների հասարակական կազմակերպության նախագահ Հունան Հունանյանի` ԱՄՆ մեկնելու գլխավոր նպատակը։ Հայաստանում հիմնադրված «Հայրենիքի պաշտպան» հիմնադրամը շարունակություն պիտի ունենար նաև ԱՄՆ֊ում` առաջնային նպատակ ունենալով մշտապես սատարել ու աջակցել զոհված և վիրավոր ազատամարտիկների ընտանիքներին։
Բարեգործական ծրագրի շրջանակներում «Սատար» Հաշմանդամների ՀԿ նախագահ Հունան Հունանյանի նախաձեռնությամբ, այս անգամ այցելեցինք Վայոց Ձորի մարզի ք.Եղեգնաձոր և Մալիշկա համայնքներ։ Բոլոր պարագաները տրամադրվեցին շահառուների կարիքներին համապատասխան։ Եղեգնաձորի բժշկական կենտրոնին տրամադրվեցին սայլակ, քայլակ, հենակներ, մեծահասակի տակդիրներ և բժշկական սավաններ։ Տակդիրներ փոխանցվեցին բժշկական կենտրոնին` Եղեգնաձորի տարածքում բնակվող կարիքավորներին տրամադրելու համար։ Համագործակցելով Մալիշկայի համայնքապետարանի և Մալիշկայի առողջության պահպանման կենտրոնի հետ, համայնքում գործող մանկապարտեզների սաներին տրամադրվեցին հիգիենայի պահպանման միջոցներ՝ ատամի խոզանակներ, իսկ սոցիալապես անապահով, բազմազավակ ընտանիքներին տրամադրվեցին հագուստներ, խնամքի կարիք ունեցող տարեցներին անվասայլակ, սանիտարական աթոռներ, ձեռնափայտեր մեծահասակի տակդիրներ և բժշկական սավաններ:
Սահմանամերձ տարածքներում ապրող մարդիկ մեր ուշադրության կենտրոնում պետք է լինեն միշտ, այլ ոչ թե միայն սահմանին լարվածության առաջացման ժամանակ: Բարեգործական ծրագրի շրջանակներում «Սատար» Հաշմանդամների ՀԿ նախագահ Հունան Հունանյանի նախաձեռնությամբ, այս անգամ այցելեց Տավուշի մարզի Բերդ քաղաք և Պառավաքար, Մովսես, Այգեձոր, Այգեպար, Չինարի, Չինչին, Վերին Կարմիր, Ներքին Կարմիր գյուղեր:
«Սատար» Հաշմանդամների ՀԿ-ն շարունակում է աջակցություն ցուցաբերել սոցիալապես անապահով, բազմազավակ, սահմանամերձ տարածքներում ապրող, Արցախից տեղահանված ընտանիքներին՝ առաջնահերթությունը տալով զինվորական հաշմանդամություն ունեցող անձանց:
Սիրելի կանայք ջերմորեն շնորհավորում ենք Ձեզ մարտի 8-ի` մայրության և գեղեցկության տոնի առթիվ: Մաղթում ենք անթիվ ծաղկող գարուններ և անսպառ ժպիտներ:
Շնորհակալություն եմ հայտնում ՀՀ Արտակարգ Իրավիճակների Նախարար՝ Անդրանիկ Փիլոյանին իմ և «Սատար» Հաշմանդամների ՀԿ-ի իրականացրած բարեգործական ծրագրերը և աշխատանքը գնահատելու համար:
