Հունվարի 28-ին Գյումրու «Մարզամշակույթային ներառական կենտրոն» ՀԿ-ում կազմակերպվել էր «Եկ, մտածենք 8» հերթական ինտելեկտուալ խաղը՝ նվիրված Հայոց Բանակի կազմավորման 29-րդ ամյակին: Մասնակցները 2016 և 2020 թվակաների արցախյան պատերազմների ընթացքում հաշմանդամություն ձեռք բերած և ոչ հաշմանդամ 18-ից-30 տարեկան զինվորականներ էին՝ Երևանից, Վանաձորից և Գյումրիից։ Խաղի արդյունքներն ամփոփելուց հետո, հաղթող ճանաչվեցին Երևանի «Սատար» խմբի տղաները:
Անցնող տարին շրջադարձային եղավ հայ ազգի համար։ Տարին ամփոփում ենք ցավալի կորուստներով։ Կորուստները վերջինը չեն լինի, եթե չսթափվենք, եթե շարունակենք մեղավորներ փնտրել մեր մեջ։ Այս տարի, առավել քան երբևէ, պարտավորվածություն կար այցելելու զորամասեր, մարտական հենակետեր` տեղում շփվելու զինվորների հետ, միասին ամփոփելու մեր երկրում ստեղծված հետպատերազմյան իրավիճակը։ Սփյուռքում ապրող բարերար Արայիկ Հակոբյանի աջակցությամբ մեր զինվորներին փոխանցեցինք առաջին անհրաժեշտության պարագաներ, ինչպես նաև կազմակերպվեցինք հյուրասիրություն։ Վստահաբար կարող եմ ասել` հայ զինվորն անպարտելի է, մարտական ոգին` անկոտրում։ Հանուն մեր զոհված հերոսների հիշատակի` խոստացանք իրար գալիք տարին դիմավորել` որդեգրելով նոր ռազմավարություն. ապրել հայրենիքի, ժողովրդի ու պետականության բարձր գիտակցումով, լինել առավել ներողամիտ, հետ նայել` միայն սխալները շտկելու համար, յուրաքանչյուրս մեր գործում լինել օրինակելի։ Միանալով սահմանին կանգնած զինվորների կոչին` խոնարհվում ենք հերոսածին մայրերի առջև, խնդրում ենք զերծ մնալ բոլոր տեսակի քաղաքական խառնաշփոթից, ստեղծված ցավալի իրավիճակում չխոչընդոտել զորամասերի, հրամկազմի կարևոր առաքելությունը։
«Սատար» ջոկատի հրամանատար Հունան Հունանյանը «Սատար» և «ՄՈւՇ» ջոկատները միասին շարունակում են պատվով կատարել իրենց առջև դրված բոլոր մարտական խնդիրները: Մենք շարունակելու ենք հաղթել, որովհետև ունենք ազգի նվիրյալներից բաղկացած հաղթական բանակ:
Շնորհակալություն ենք հայտնում արտերկրում ապրող մեր հայրենակիցներին «Սատար կանգնենք մեր զինվորներին» ակցիային միանալու և ‹‹Սատար›› ջոկատին անհրաժեշտ զինվորական պարագաներ նվիրելու համար: Ցանկանում ենք հատուկ շնորհակալություն փոխանցել Ֆրանսիայում բնակվող փոքրիկ Մանե Գաբրիելյանին ով փոխանցել է իր ունեցած խնայողությունը՝20 €:Մենք հաղթելու ենք Մանեի և յուրաքանչյուր հայ երեխայի համար; քանզի նրանք են մեր ապագայի խորհրդանիշը և երաշխիքը։
«Սատար» Հաշմանդամների ՀԿ–ն շարունակում է «Սատար կանգնենք մեր զինվորներին»
Շնորհակալություն ենք հայտնում Արմավիրի մարզի Հայթաղի և Աղավնատան Ղ․Աբգարյանի անվան միջնակարգ դպրոցների տնօրինություններին և կամավորներին ‹‹Սատար›› ջոկատին անհրաժեշտ պարագաներ նվիրելու համար: Վստահ ենք ազգովի համախմբված հաղթելու ենք:
