Այսօր Նորագավիթի տարածքում տեղի ունեցավ մերօրյա հերոս,կապիտան Արթուր Գագիկի Խաչատրյանի հիշատակը հավերժացնող հուշարձանի բացման արարողությունը: Հուշարձանը կառուցվել է Արթուրի ընտանիքի և մտերինների աջակցությամբ: Հուշարձանի վրա հիշատակված են նաև 2020թ-ին 44 օրյա պատերազմում Նորագավիթ վարչական շրջանի զոհված հերոս տղաներ՝ Սամվել Անտոնյանի, Էդգար Աղաբաբյանի, Գոռ Հովակիմյանի, Պետրոսյան Սեյրանի, Հայկ Թունյանի և Արմեն Զոհրաբյանի անունները: Հուշարձանի օծման արարողությունը կատարեց Նորագավիթի Սուրբ Գևորգ եկեղեցու Քահանա Տեր Ղուկասը:
Այսօր Նորագավիթի տարածքում տեղի ունեցավ մերօրյա հերոս՝ Հայկ Կարենի Թունյանի հիշատակը հավերժացնող հուշարձանի բացման արարողությունը: Հուշարձանը կառուցվել է Հայկի ընտանիքի և փողոցի բնակիչների աջակցությամբ: Հուշարձանի վրա հիշատակված են նաև 2020թ-ին 44 օրյա պատերազմում Նորագավիթ վարչական շրջանի զոհված հերոս տղաներ՝ Սամվել Անտոնյանի, Էդգար Աղաբաբյանի, Գոռ Հովակիմյանի, Արթուր Խաչատրյանի և Արմեն Զոհրաբյանի անունները: Հուշարձանի օծման արարողությունը կատարեց Նորագավիթի Սուրբ Գևորգ եկեղեցու Հոգևոր Հովիվ Տեր Մյուռոն Քահանան:
Այսօր Մալիշկայի Մ. Վ. Լոմոնոսովի անվան միջնակարգ դպրոցում տեղի ունեցավ միջոցառում՝ նվիրված Գագիկ Ռազմիկի Սարգսյանի ծննդյան 45-րդ տարելիցին: Ողջույնի խոսքով հանդես եկան ‹‹Սատար›› Հաշմանդամների ՀԿ նախագահ Հունան Հունանյանը, Մալիշկա համայնքի ղեկավար Գ.Նազարյանը, Կ.Բաբայանը,դպրոցի տնօրեն Հ.Դավթյանը, զինղեկ Ս.Շահբազյանը։ ‹‹Մենք պարտավոր ենք հիշել և վառ պահել բոլոր այն հերեսների հիշատակը, ովքեր իրենց կյանքն են նվիրել այսօրվա համար, հայրենիքի ազատության և անկախության ամրապնդման համար››֊ իր խոսքում նշեց Հ.Հունանյանը։
Բանակ, որը ստեղծվել է շատ կարճ ժամանակահատվածում հազարավոր հայորդիների նվիրումի, ինքնամոռաց պայքարի շնորհիվ: Այդ ճանապարհին ցավոք զոհվել են բազմաթիվ քաջ հայորդիներ: Հավերժ փառք ու պատիվ իրենց կյանքը Հայրենիքի համար զոհաբերած հերոսներին: Մեր ազգային բանակը դարձել է տարածաշրջանի լավագույնն ու մարտունակը: Հայոց բանակը կազմավորվեց և կայացավ մեր անկախ պետականության վերականգնման գործընթացում և այսօր հանդիսանում է նրա ամենամեծ ձեռքբերումը:
Դեկտեմբերի 3-ը Հաշմանդամություն ունեցող անձանց իրավունքների պաշտպանության միջազգային օրն է։ Այդ կապակցությամբ ՀՀ ՊՆ վարչական համալիրում հյուրընկալվել էին «Սատար» հաշմանդամների հասարակական կազմակերպության անդամները` զինվորական ծառայության ընթացքում, Արցախյան ազատամարտի տարիներին և ապրիլյան մարտական գործողությունների ժամանակ հաշմանդամություն ձեռք բերած ազատամարտիկներ և զինծառայողներ:
