"ՍԱՏԱՐ" Հաշմանդամների ՀԿ-ն այսուհետ կիրականացնի օրթոպեդիկ պարագաների արտադրություն և բաշխում
<<ՍԱՏԱՐ>> Հաշմանդամների ՀԿ-ի խորհուրդը քաջատեղյակ լինելով մեր երկրում հաշմանդամություն ունեցող քաղաքացիների առջև ծառացած բազում խնդիրներին, մշտապես փորձել է...
<<ՍԱՏԱՐ>> Հաշմանդամների ՀԿ-ի խորհուրդը քաջատեղյակ լինելով մեր երկրում հաշմանդամություն ունեցող քաղաքացիների առջև ծառացած բազում խնդիրներին, մշտապես փորձել է դրանց լուծման եղանակներ գտնել, նպաստել հասարակական կյանքում նրանց արագ ինտեգրման գործընթացներին: Մեր Կազմակերպությունը, հերթական անգամ հավատարիմ մնալով իր կանոնադրական ծրագրերին , մասնակցեց ՀՀ Աշխատանքի և սոցիալական հարցերինախարարության կողմից հայտարարված՝ պրոթեզա-օրթոպեդիկ պարագաների պատրաստման և դրանց վերանորոգման գծով ծառայությունների մատուցման մրցույթին՝ որակի բարելավման նպատակով: Մենք ձեռք բերեցինք իրավունք՝ իրականացնելու օրթոպեդիկ պարագաների, մասնավորապես, օրթոպեդիկ կոշիկների, ուղեկցող պարագաների՝ քայլակների և հենակների, սեղմիրանների արտադրություն: Մեր կազմակերպության տված արտադրանքն էապես տարբերվում է մյուսներից թե՛իր հարմարավետությամբ, թե՛ արտաքին տեսքով և թե ՛որակական հատկանիշներով: Օրթոպեդիկ պարագաները պատրաստվում են օրգանիզմի համար անվտանգ, հիգիենիկ և ֆիզիկական բոլոր պահանջները բավարարող նյութերով՝ 5-10 օրվա ընթացքում: Մեր աշխատանքի լավագույն գնահատականը հաշմանդամություն ունեցող անձանց գոհունակությունն ու երախտիքն է: Սա ապացույցն է այն բանի, որ ՀԿ-ի թիմն աշխատում է առանձնակի հոգատարությամբ, ցուցաբերում է անհատական մոտեցում և արժանանում մեր քաղաքացիների վստահության: Մեր աշխատակիցները սրտացավորեն են մոտենում յուրաքանչյուր քաղաքացու, քանի որ մերթիմում ընգրկված են տարբեր կարգի հաշմանդամություն ունեցող մարդիկ: Օրթոպեդիկ պարագաները կարելի է ձեռք բերել մեր գրասենյակից (Նոր Արեշ 35փ. 2տ.) բոլոր աշխատանքային օրերին : Բոլոր մանրամասների համար զանգահարել 093388299 հեռախոսահամարով ` Սերինե Հակոբյանին: